Հրազդանի էներգետիկ կազմակերպության բաժնետոմսերը ընդգրկվել են ՆԱՍԴԱՔ ՕԷՄԷՔՍ ԱՐՄԵՆԻԱ-Ի C ազատ շուկայում

Այսօրվանից «Հրազդանի Էներգետիկ Կազմակերպություն (ՀրազՋԵԿ)» բաց բաժնետիրական ընկերության անվանական բաժնետոմսերը (HRPC) թույլատրվել են առևտրի ՆԱՍԴԱՔ ՕԷՄԷՔՍ Արմենիա ֆոնդային բորսայի ազատ C շուկայում:

Ընկերության բաժնետոմսերի այս թողարկումը ընդգրկում է 10.000 ՀՀ դրամ անվանական արժեքով 1.597.430 բաժնետոմս:

NASDAQ OMX ընկերության մամուլի ծառայության տեղեկացմամբ, «Հրազդանի Էներգետիկ Կազմակերպություն (ՀրազՋԷԿ)» ԲԲԸ-ն այն 4 ընկերություններից է, որոնք ապահովում են Հայաստանում արտադրվող էլեկտրաէներգիայի 80%-ից ավել մասը:

ՀրազՋԷԿ-ի ընդհանուր արտադրողականության ծավալը կազմում է 1.110 MW, իսկ ներկայումս գործող՝ 760 MW: Հայաստանի շուկայում ՀրազՋԷԿ-ը ունի հավասարակշռող կարգավիճակ՝ արտադրելով էլեկտրաէներգիա միայն ներքին շուկայում դեֆիցիտի առաջացման ժամանակ: