Փարիզում բացվել է ինտերնետի զարգացման խնդիրներին ուղղված ֆորում

Ֆրանսիայի նախագահ Նիկոլա Սարկոզիի հովանու տակ այսօր Փարիզում բացվել է ինտերնետի զարգացման խնդիրներին նվիրված միջազգային ֆորում:
Այս մասին հայտնում են ռուսական լրատվամիջոցները։

Երկօրյա ֆորումին մասնակցում են առաջատար ինտերնետ-ընկերությունների ղեկավարները (Microsoft, Google և Facebook), ՏՏ ոլորտի փորձագետներ և հասարակական գործիչներ։

Ֆորումի շրջանակներում քննարկվող գլխավոր թեմաներից է լինելու ինտերնետում խոսքի ազատության և այն կառավարելու թույլատրելիության հարցը։

Աղբյուրի հաղորդմամբ, ֆորումի ընթացքում արված եզրակացությունները կներկայացվեն այս շաբաթ Ֆրանսիայում կայանելիք «մեծ ութնյակի» երկրների գագաթնաժողովի առաջնորդներին։