Միացյալ Նահանգները «ստվերային» ինտերնետ են ստեղծում արտասահմանցի այլախոհների համար

Միացյալ Նահանգների իշխանությունները նախաձեռնել են նոր տեխնոլոգիայի մշակում, որը հնարավորություն կընձեռի կարճ ժամկետում ինտերնետ ու հեռախոսային կապի ինքնակառավարվող համակարգեր ստեղծել:
Այս մասին գրում է «Լենտա.ռու»-ն:

Տեղեկատվության համաձայն, նոր համակարգերից կարող են օգտվել այն երկրների ընդդիմություննները, որտեղ իշխանությունները վերահսկում ու ցանկության դեպքում կարող են անջատել ինտերնետ ու բջջայն կապերը:

Ծրագրի շրջանակներում նախատեսված է բջջային սարքի ստեղծում, որը հնարավոր կլինի ուղարկել որևէ երկիր ու համաշխարհային ցանցին միացած անլար կապ ապահովել տեղի ընդդիմադիր ուժերի ու ազգաբնակչության համար:

Ըստ հաղորդագրության, նոր տեխնոլոգիայի ստեղծման համար մոտ 2 միլիոն դոլարի չափով պետական գրանտ է տրամադրվել համապատասխան կազմակերպություններին: