Աբրահամ. «Անդրե Ուորդը եզրափակչում պարտության կմատնի Կառլ Ֆրոչին»

Ինչպես արդեն տեղեկացրել ենք, պրոֆեսիոնալ բռնցքամարտի միջինքաշային կարգում կազմակերպված «Super Six World Boxing Classic» գերմրցաշարի եզրափակչում հանդիպելու են Անդրե Ուորդն ու Կառլ Ֆրոչը: Ուորդը, ի դեպ, կիսաեզրափակչում առավելության է հասել Արթուր Աբրահամի նկատմամբ: Հայ մարզիկը վստահ է, որ Անդրե Ուորդը կհաղթի նաև եզրափակչում: Այդ մասին նա հայտարարեց այսօր «Ուրբաթ» ակումբում լրագրողների հետ հանդիպման ընթացքում:
«Ես կարծում եմ, որ մրցաշարի հաղթողի կոչումը կնվաճի Անդրե Ուորդը: Մենամարտել եմ ինչպես Ուորդի, այնպես էլ Ֆրոչի հետ, ծանոթ եմ նրանց հնարավորություններին և նախապատվությունը տալիս եմ ամերիկացի մարզիկին»,- նշեց Արթուր Աբրահամը: