Հայաստանի հավաքականը 3 միավորով առաջ է անցել Ադրբեջանի ընտրանուց

Մոսկվայում անցկացվում է Վլադիմիր Դվորկովիչի հիշատակին նվիրված ավանդական պատանեկան շախմատային մրցաշար` Հայաստանի, Ռուսաստանի, Ուկրաինայի, Բելառուսի, Ադրբեջանի, Ղազախստանի, Չինաստանի հավաքականների և «Դվորկովիչի հյուրասենյակ» թիմի մասնակցությամբ:
Հայաստանի ներկայացուցիչները երկու մրցախաղում պարտության է մատնել չինացիներին (3:1, 3:1) և երկու հաղթանակ են տարել Ղազախստանի հավաքականի նկատմամբ (3,5:0,5, 4:0):
Չորս տուրից հետո մրցաշարային աղյուսակը 13,5 միավորով գլխավորում են հայ շախմատիստները: Նրանք երեք միավորով գերազանցում են երկրորդ տեղում ընթացող ադրբեջանցիներին: