Արժույթի միջազգային հիմնադրամի նոր ղեկավար է դարձել Ֆրանսիայի ֆինանսների նախարար Քրիստիան Լագարդը

Արժույթի միջազգային հիմնադրամի նոր ղեկավար է դարձել Քրիստիան Լագարդը: Այս մասին հաղորդում է «Ռոյթերս» գործակալությունը: Տեղեկատվության համաձայն, որոշումն ընդունվել է հիմնադրամի գործադիր խորհրդի կողմից:

ԱՄՀ-ի ղեկավարի պաշտոնում Լագարդը նշանակվել է հինգ տարի պաշտոնավարման ժամկետով:

Լագարդի ընտրությունը կանխատեսելի էր այն բանից հետո, երբ Միացյալ Նահանգները, Ռուսաստանը, Չինաստանն ու այլ երկրներ սատարել էին ֆրանսուհու թեկնածությունը:

Հիշեցնենք, ԱՄՀ-ի ղեկավարի պաշտոնը թափուր էր մնացել այն բանից հետո, երբ նախկին ղեկավար Դոմոնիկ Ստրոս-Կանը սեռական սկանդալի պատճառով հրաժարական էր ներկայացրել: