Հայ շախմատիստները հաղթեցին տարիքային բոլոր խմբերում

Ինչպես տեղեկացնում է armchess.am-ը, Ջերմուկում ավարտված 6-րդ պատանեկան միջազգային շախմատային օփենում բոլոր տարիքային խմբերում հաղթել են Հայաստանի ներկայացուցիչները: Մինչև 10 տարեկանների մրցաշարում առաջին մրցանակը նվաճել է Շանթ Սարգսյանը, 12 տարեկանների առաջնությունում` Արման Հարությունյանը: Մինչև 14 տարեկան Մարատ Մեժլումյանն ուժեղագույնն էր իր հասակակիցների շարքում, իսկ Մանուել Պետրոսյանը մրցակցությունից դուրս էր մինչև 18 տարեկան շախմատիստների պայքարում: