Ռոսսի. «Մենք չենք պատրաստվում հանձնվել»

«Վիլյառեալի» հարձակվող Ջուզեպպե Ռոսսին վստահ է, որ Իտալիայի ազգային թիմը կարող է հաղթել աշխարհի գործող չեմպիոնին:
«Մենք հասկանում ենք, որ Իսպանիայի հավաքականը չափազանց լուրջ մրցակից է: Այդ թիմն արդեն ապացուցել է, որ լավագույնն է աշխարհում,- ասել է Ռոսսին «Sky Sports»-ի թղթակցին տված հարցազրույցում:- Սակայն մենք չենք պատրաստվում հանձնվել և մտադիր ենք ցույց տալ, թե որքան ուժեղ թիմ ունենք: Իհարկե, կարող ենք հաղթել Իսպանիայի ընտրանուն»: