Սերգեյ Մովսիսյանը 0,5:1,5 հաշվով զիջեց Հուդիթ Պոլգարին

Սերգեյ Մովսիսյանը Խանտի Մանսիյսկում անցկացվող աշխարհի շախմատի գավաթի խաղարկության երկրորդ փուլի երկրորդ պարտիայում զիջեց Հունգարիայի ներկայացուցիչ Հուդիթ Պոլգարին: Այս մասին հայտնում է Հայաստանի շախմատի ֆեդերացիայի պաշտոնական կայքը: Քանի որ նրանց միջև կայացած առաջին պարտիայում գրանցվել էր ոչ-ոքի արդյունք, պայքարը հաջորդ փուլում կշարունակի Պոլգարը: