Անվտանգության միջոցառումներ Բաքվում

«Հայկական ժամանակը» գրում է, որ վաղը Բաքվում մեկնարկում է բռնցքամարտի աշխարհի 17-րդ առաջնությունը: Մեր պատվիրակությունն այսօր մեկնելու է Թբիլիսի, այնտեղից էլ` Բաքու: Թերթը գրում է, որ Ադրբեջանն աննախադեպ անվտանգության միջոցառումներ է իրականացնում բոլոր պատվիրակությունների համար, մասնավորապես` գաղտնի է պահվում, թե որ հյուրանոցում են ապրելու հայերը եւ մարզային ինչ գրաֆիկ ունեն: Աշխարհի առաջնությունն ավարտվելու է հոկտեմբերի 8-ին: