Ռուբեն Հայրապետյան. «Քանի դեռ գլխավորում եմ ֆեդերացիան, Դենիս Թումասյանը չի հրավիրվի Հայաստանի հավաքական»

ՀՖՖ նախագահ Ռուբեն Հայրապետյանն այսօր կայացած մամուլի ասուլիսում, խոսելով հավաքականի համալրման թեմայի մասին` շեշտեց, որ ռուսաստանցի Դենիս Թումասյանը, ով հրավիրվել էր ազգային հավաքական, սակայն մերժեց հրավերը, այլևս ազգային ընտրանու ղեկավարության տեսադաշտում չէ:

«Մենք չենք կարող հրավիրել այն ֆուտբոլիստներին, ում համար Հայաստանի դրոշի տակ հանդես գալը պատիվ չէ: Այլ կերպ ասած` չենք կարող խնդրել, աղաչել կամ գումարներ խոստանալ: Դենիս Թումասյանը նույնիսկ հայ էլ չկա: Եվ քանի դեռ ես գլխավորում եմ Հայաստանի ֆուտբոլի ֆեդերացիան, այդ ֆուտբոլիստն այլևս հրավեր չի ստանա»,- նշեց Ռուբեն Հայրապետյանը:

ՀՖՖ նախագահն ավելացրեց նաև, որ Ամստերդամի «Այաքսի» ֆուտբոլիստ Արազ Օզբիլիսը շատ է ցանկանում խաղալ Հայաստանի հավաքականի կազմում, սակայն վնասվածքներն են նրան խանգարում ժամանել Երևան: