Ամենից շատ կարդացված նյութեր
.jpg "Թուրքիան սպառնում է հրաժարվել ռուսական գազից")
Թուրքիան սպառնում է չեղյալ համարել Ռուսական «Գազպրոմի» հետ գազի արտահանման վերաբերյալ գործող պայամանգրերը, եթե սակագնի զգալի կրճատումներ չլինեն, հաղորդում է «Ռոյթերս» գործակալությունը` հղում անելով Թուրքիայի էներգետիկայի նախարար Թաներ Յիլդիզի հայտարարությանը:
Տեղեկատվության համաձայն, Թուրքիան նախկինում ևս արտահայտվել էր Ռուսաստանից առաքվող գազի սակագնի իջեցման օգտին, սակայն Մոսկվայում սույն թվականի մարտ ամսին կայացած Մեդվեդև-Էրդողան բանակցություններն այդպես էլ հաջողությամբ չէին պսակվել:
Գազային խնդրին անդրադարձել էր վերջերս նաև Թուրքիայի նախագահ Աբդուլլահ Գյուլը, ով սեպտեմբերին այցելել էր Յարոսլավլ: Գյուլն այդ ժամանակ լրատվամիջոցների հետ զրույցում հույս էր հայտնել բանակցությունների հարցում դրական արդյունք կարձանագրվի:
Նշենք, Թուրքիան ռուսական գազի խոշորագույն ներկրողներից է, որը տարեկան մոտ 30 մլրդ խմ գազ է գնում Ռուսաստանից, ինչը կազմում է երկրում սպառվող կապույտ վառելիքի մոտ 64%-ը:
Studio One