Օտարագիր գրողների համաժողով՝ Երևանում

Օտարագիր գրողների երրորդ համաժողովը մեկնարկում է այսօր ու կշարունակվի մինչև  հոկտեմբերի 17-ը: Համաժողովին մասնակցում է 14 երկրից շուրջ 30 պատվիրակ: Այս մասին Panorama.am-ի թղթակցի հետ զրույցում ասաց Գրողների միության նախագահ Լևոն Անանյանը: Նա նաև տեղեկացրեց, որ համաժողովն անցկացվում է «Ազգային ճակատագիրը օտարագիր հայ գրողների ստեղծագործությունների մեջ» խորագրի ներքո:

Հիշեցնենք, որ Օտարագիր գրողների երրորդ համաժողովն անցկացվում է մշակույթի նախարարության կողմից հայտարարված գրական մեկամսյակի շրջանակում (սեպտեմբերի 30-ից հոկտեմբերի 28-ը):