ՀԱՕԿ-ը չի արձագանքել ադրբեջանական կողմի հրավերին

Հայաստանի ազգային օլիմպիական կոմիտեն հրավեր ստացել է` մասնակցելու ԱՊՀ և բալթյան երկրների ԱՕԿ-ների ղեկավարների` Բաքվում կայացած տարածաշրջանային ֆորումին: Այդ մասին ադրբեջանցի լրագրողներին ասել է այդ երկրի սպորտի և երիտասարդության հարցերի նախարար Ազադ Ռահիմովը` մեկնաբանելով, թե ինչու հայկական պատվիրակությունը չի մասնակցել վերը նշված միջոցառմանը: Նա նշել է, որ հայաստանյան կողմը որևէ կերպ չի արձագանքել իրենց հրավերին:

Նրա խոսքերով` Ադրբեջանի ԱՕԿ-ի ներկայացուցիչները նույնպես չեն մասնակցել այն ֆորումներին, որոնք երկու անգամ կազմակերպվել են Երևանում: