Աշխարհի չեմպիոնը կողմնորոշվել է կազմի հարցում

Ինչպես արդեն տեղեկացրել ենք նոյեմբերի 3-11-ը Հունաստանի Պորտո Կարաս քաղաքում անցկացվելու է Եվրոպայի շախմատի թիմային առաջնությունը: Armchess.am-ը հայտնում է, որ Հայաստանի հավաքականների կազմերն արդեն հայտնի են:

Տղամարդկանց թիմում, որն արդեն աշխարհի չեմպիոն է հռչակվել, ընդգրկվել են Լևոն Արոնյանը, Սերգեյ Մովսիսյանը, Վլադիմիր Հակոբյանը, Գաբրիել Սարգսյանը և Ռոբերտ Հովհաննիսյանը (մարզիչ` Արշակ Պետրոսյան), իսկ կանանց թիմում` Էլինա Դանիելյանը, Լիլիթ Մկրտչյանը, Լիլիթ Գալոյանը, Մարիա Կուրսովան և Նելլի Աղինյանը (մարզիչ` Արթուր Չիբուխչյան):