Անգլիայի ֆեդերացիան կպայքարի Ռունիի համար

Անգլիայի ֆուտբոլի ֆեդերացիան բողոքարկել է երկրի ազգային հավաքականի հարձակվող Ուեյն Ռունիին երեք խաղով որակազրկելու ՈՒԵՖԱ-ի որոշումը: Այս մասին հայտնում է «Daily Mail»-ը: «Մանչեսթեր Յունայթեդի» ֆուտբոլիստը կարմիր քարտ է ստացել Եվրոպայի 2012 թ. առաջնության ընտրական փուլի շրջանակներում չեռնոգորցիների հետ կայացած հանդիպման ժամանակ` հետևից հարվածելով Միոդրագ Ջուդովիչի ոտքերին:
Եթե որոշումն ուժի մեջ մնա, Ռունին ստիպված կլինի բաց թողնել «Եվրո-2012»-ի խմբային փուլը: