Հիդդինկը միանգամից մեկնել է Ամստերդամ

Թուրքիայի ֆուտբոլի հավաքականի գլխավոր մարզիչ Գուուս Հիդդինկը պայմանավորվել է թուրքական ֆեդերացիայի հետ համագործակցության դադարեցման վերաբերյալ: Ինչպես հաղորդում է «De Telegraaf»-ը, պայմանավորվածությունը ձեռք է բերվել Եվրոպայի 2012 թ. առաջնության անցումային փուլի պատասխան հանդիպումից առաջ: Թուրքիայի ֆեդերացիան Հիդդինկին կվճարի մինչև 2012 թ. օգոստոսը, այլ կերպ ասած` մինչև պայմանագրի ժամկետի ավարտը:
Ավելացնենք, որ խորվաթների հետ հանդիպումից հետո Հիդդինկը միանգամից մեկնել է Ամստերդամ: