Ռաֆայել Վահանյանը հաղթեց Սաչդևին

Չեխիայի Մարիանսկե Լազնե քաղաքում ավարտվեց «Հին ձեռքեր»-«Ձնծաղիկներ» մրցախաղը: «Հին ձեռքերը», որի կազմում հանդես էր գալիս նաև Ռաֆայել Վահանյանը, 7-րդ և 8-րդ տուրերում հաղթանակներ տոնեց 2,5:1,5 և 3:1 հաշիվներով: Հայ գրոսմայստերը նախ ոչ-ոքի խաղաց Պոգոնինայի հետ, իսկ այնուհետև պարտության մատնեց Սաչդևին:

Այսպիսով` «Հին ձեռքերը» «Ձնծաղիկների» նկատմամբ առավելության հասավ ընդհանուր 21:11 հաշվով: Այս մասին հայտնում է Հայաստանի շախմատի ֆեդերացիայի պաշտոնական կայքը: