Աշոտյանը կմեկնի Գյումրի, կհանդիպի Գիզիրյանի հետ

Վաղը կրթության և գիտության նախարար Արմեն Աշոտյանը կմեկնի Շիրակի մարզ: Նախարարը Գյումրիում հանդիպում կունենա Շիրակի մարզպետ Աշոտ Գիզիրյանի հետ:

ԿԳՆ հասարակայնության հետ կապերի վարչության հաղորդմամբ, ԿԳ նախարարն աշխատանքային հանդիպումներ կունենա Մ. Նալբանդյանի անվան մանկավարժական ինստիտուտի, Հայաստանի պետական ճարտարագիտական (Պոլիտեխնիկ) և պետական տնտեսագիտական համալսարանների Գյումրու մասնաճյուղերի գիտական խորհուրդների հետ:

Արմեն Աշոտյանը կհանդիպի նաև Շիրակի մարզում ՀՀ կրթության և գիտության նախարարության ենթակայությամբ գործող հաստատությունների ղեկավարների հետ: