Մարտ-ապրիլ ամիսներին անցկացվելու է «Թատրոն-X» 5-րդ հանրապետական փառատոնը

Մարտ-ապրիլ ամիսներին Ազգային թատերական ստեղծագործական միավորման նախաձեռնությամբ և ՀՀ մշակույթի նախարարության աջակցությամբ, տեղի է ունենալու «Թատրոն-X» 5-րդ հանրապետական փառատոնը Երևանի, ՀՀ մարզերի և ԼՂՀ թատրոնների ու թատերախմբերի մասնակցությամբ: Ընդունված ձևաչափի համաձայն` ներկայացումներից անմիջապես հետո տեղի կունենան հրապարակային քննարկումներ ստեղծագործողների, թատերագետների, երաժշտագետների, բանասերների և այլ բնագավառների ներկայացուցիչների մասնակցությամբ:
Panorama.am-ը մշակույթի նախարարությունից տեղեկացավ, որ հայտը ներկայացնելու վերջնաժամկետն է հունվարի 30-ը: