Ջութակահարը նվագակցել է բջջայինի զանգին

Ջութակահար Լուկաշ Կմիտը հումորով է վերաբերվել իր համերգի ժամանակ ոչ ստանդարտ վիճակին: Այն պահին,երբ երաժիշտը նվագում էր իր ստեղծագործության ամենահանգիստ հատվածը, դահլիճի լռությունը խախտել է հանդիսականներից մեկի բջջայինի զանգը:

Սակայն Կմիտն իրեն չի կորցրել, փոքր դադարից հետո ժպտացել է ու շարունակել ելույթը նվագակցելով բջջայինի ռինգտոնին: Հանդիսատեսը գնահատել է երաժշտի կատակն ու ծափահարել, գրել է Բի-Բի-Սին: