Պետական ֆիլհարմոնիկ նվագախմբի այս տարվա առաջին համերգ` այսօր

Այսօր Արամ Խաչատրյան համերգասրահում տեղի կունենա Հայաստանի վաստակավոր կոլեկտիվ Պետական ֆիլհարմոնիկ նվագախմբի այս տարվա առաջին համերգը: Ծրագրի առաջին մասում կհնչի Շումանի դաշնամուրի կոնցերտը: Մենակատարը երիտասարդ դաշնակահարուհի Մարիաննա Ուզանկիչյանն է:

Համերգի երկրորդ մասում Նվագախումբը դիրիժոր և գեղարվեստական ղեկավար Էդուարդ Թոփչյանի գլխավորությամբ հանդես կգա Չայկովսկու թիվ 1 սիմֆոնիայի` «Ձմռան անուրջներ» կատարմամբ: