Սյունիքի մարզպետը վստահ է, որ մնալու է իր պաշտոնում

«Չորրորդ ինքնիշխանություն» թերթի հետ զրույցում Սյունիքի մարզպետ Սուրեն Խաչատրյանը վստահություն է հայտնել, որ խորհրդարանական ընտրություններից հետո կրկին մարզպետ է նշանակվելու` նշելով, որ ՀՀԿ համամասնական ցուցակում իրեն չի տեսնում: Մարզպետը նաեւ նշել է, որ սյունեցուն հոգեհարազատ է հանրապետական կուսակցության գաղափարախոսությունը, որ սյունեցին ազգային գաղափարներին է նախապատվություն տալիս` միաժամանակ բացառելով, որ սյունեցին, ազգային գաղափարախոսությունից ելնելով, կընտրի, ասենք, Դաշնակցությանը: Մարզպետը նաեւ չի կարողացել գնահատել ԲՀԿ-ի եւ ՕԵԿ-ի շանսերը ընտրություններում: