«Ղարաբաղ` թաքնված գանձ». Արցախի նախագահը կարևորել է նման ֆիլմերի ստեղծումը

Արցախի Հանրապետության նախագահ Բակո Սահակյանն այսօր մասնակցել է «Ղարաբաղ` թաքնված գանձ» տեսաֆիլմի շնորհանդեսին, որը նկարահանվել է ԼՂՀ կառավարությանն առընթեր զբոսաշրջության վարչության պատվերով:

Արցախի Հանրապետության նախագահի աշխատակազմի տեղեկատվության գլխավոր վարչությունից հայտնում են, որ երկրի ղեկավարը կարևորել է նման ֆիլմերի ստեղծումը` այն համարելով լավ հնարավորություն ինչպես Արցախը արտաքին աշխարհին ներկայացնելու, այնպես էլ մեր երկրի զբոսաշրջային գրավչության բարձրացման տեսանկյունից: