Հայտնաբերվել է Մոցարտի անհայտ գործերից մեկը

Ավստրիական Տիրոլում հայտնաբերվել է Մոցարտի մինչ այժմ անհայտ ստեղծագործությունը: Մասնագետները երաժշտական սկզբնաղբյուրների միջազգային կատալոգ կազմելիս հայտնաբերել են մոտ 1780 թվականով թվագրվող ձեռագիր նոտաների տետր: Երաժշտագետները միաձայն հայտարարել են, որ տետրում գրված դաշնամուրային պիեսը պատկանում է երիտասարդ Մոցարտի գրչին: Պիեսը հանրությանը կներկայացվի մարտի 23-ին Զալցբուրգի դահլիճներից մեկում: