Ժամանակավորապես դադարեցվել է Հայաստանի գազամատակարարումը

Վրաստանի գազատրանսպորտային ընկերությունը մարտի 9-ի երեկոյան պաշտոնապես տեղեկացրել է «ՀայՌուսգազարդ» ՓԲԸ-ին, որ Ղազախ- Սագուրամո 1000 մմ տրամագծով մայրուղային գազատարի վրա վթարա-վերականգնողական աշխատանքների իրականացման հետ կապված ժամանակավորապես դադարեցվում է Հայաստան բնական գազի մատակարարումը: Աշխատանքների ավարտի և գազամատակարարման վերականգնման մասին վրացական կողմը կտեղեկացնի լրացուցիչ:

«ՀայՌուսգազարդ» ընկերությունից տեղեկացնում են, որ Հանրապետության սպառողների գազամատակարարումը կիրականացվի առանց սահմանափակումների: