«Փեթակ»-ում ձայն են հավաքում

«Երկիր»-ին դիմել են «Փեթակ» տոնավաճառի առևտրականները և  հայտնել. ««Փեթակ» տոնավաճառի տնօրեն Միրզոյանը երեկ իր մոտ է հրավիրել տարածքում առևտրով զբաղվող բոլոր առևտրականներին և բաժանել բլանկներ` պարտադրելով, որ յուրաքանչյուրը ներկայացնի տասը քաղաքացու անձնական տվյալ։ Տնօրենը նաև զգուշացրել է՝ երեք օրից համապատասխան թվով տվյալներ չներկայացնողներն այլևս չեն աշխատի «Փեթակ»-ում։ «Նրանք, ովքեր ՀՀԿ-ի համար կբերեն մինչև 30 ձայն, «Փեթակ»-ում գործը կշարունակեն արտոնյալ պայմաններով»: