ՀԱՕԿ-ի հիմնը խանգարեց երգչուհուն պատգամավոր դառնալ

«Երկիր»-ի տեղեկություններով` ՀՀԿ-ն իր համամասնական ցուցակում ցանկացել է ընդգրկել նաև երգչուհի Լեյլա Սարիբեկյանին, որպեսզի երգչուհի Շուշան Պետրոսյանն իրեն ԱԺ-ում միայնակ չզգա: Սակայն վերջին պահին, ըստ թերթի, Լեյլա Սարիբեկյանին ցուցակում ընդգրկելու որոշումից ՀՀԿ-ում հրաժարվել են: «Պատճառն այն է, որ Լեյլա Սարիբեկյանը կատարել է Հայաստանի ազգային օլիմպիական կոմիտեի հիմնը: Ինչպես հայտնի է` ՀԱՕԿ նախագահն է ԲՀԿ նախագահ Գագիկ Ծառուկյանը»,- գրում է թերթը: