Հավակնորդների մրցաշարի անցկացման ժամկետները փոխվել են

ՖԻԴԵ-ի պաշտոնական կայքում այսօր հրապարակվել է խոշոր մրցաշարերի վերանայված խաղացանկերի նոր տարբերակը, որը միջազգային ֆեդերացիան կազմակերպելու է «Ագոն» ընկերության հետ միասին: Ծանոթանալով կազմակերպիչների և խաղացողների մեկնաբանություններին` աշխարհի չեմպիոնի կոչման հավակնորդների մրցաշարը տեղափոխվել է հաջորդ տարի և կկայանա մարտի 13-31-ին, Լոնդոնում: Խաղացանկում սա միակ փոփոխությունը չէ: 2014 թ.-ին կկայանա աշխարհի առաջնության մրցաշարը` 2015 թ. փոխարեն, իսկ 2016 թ. համար մի քանի այլ մրցաշարեր են ավելացվել: