Փաշինյանի և Ալեքսանյանի բանավեճի հարցում Հ1-ը խնդիր չի տեսնում

«Հայկական ժամանակը» Հ1-ի «Հարցազրույց» հաղորդաշարի վարող Նվեր Մնացականյանից հետաքրքրվել է` արդյոք Հ1-ի ղեկավարությունը դեմ չի՞ լինի, որ կազմակերպվի թիվ 7 ընտրատարածքում առաջադրված 2 թեկնածուների` Նիկոլ Փաշինյանի և Սամվել Ալեքսանյանի հեռուստաբանավեճը, Մնացականյանը պատասխանել է, որ հեռուստաընկերության ղեկավարությունը երբեք այդպիսի արգելքներ չի դրել: Նա նաև ասել է, որ իր մտքով էլ է անցել բանավեճ կազմակերպել, պարզապես «բանավեճերը Հայաստանում շատ դժվար են անցկացվում ու կազմակերպվում»: