Sotheby\'s-ի աճուրդում չինական ճենապակին ռեկորդ է գրանցել

Չինական կերամիկայի հոնկոնգյան վաճառքի ընթացքում, որը կազմակերպել էր Sotheby's աճուրդի տունը նախօրեին 26,7 միլիոն դոլարով վաճառվել է Սուն դինաստիայի ժամանակաշրջանի հնագույն լվացվելու անոթ: Այս մասին հաղորդում է Bloomberg-ը:

Սկզբում թասը գնահատվել է 10 միլիոն դոլար, նախկին տերն այն գնել էր ընդամենը 6,4 միլիոնով: Ճենապակե թասի բարձր արժեքը պայմանավորված է նրանով, որ այն պատրաստված է «ժու» կոչվող հազվագյուտ տեխնոլոգիայով: Ենթադրվում է, որ աշխարհում նմանատիպ ընդամենը 79 թաս է պահպանվել: