ԻՏՁՄ 12-րդ համագումար. գլխավոր խնդիրներից մեկը մասնագետների պակասն է

Երևանում այսօր բացվեց Ինֆորմացիոն տեխնոլոգիաների ձեռնարկությունների միության 2-րդ համագումարը: Միջոցառման բացմանը ընթերցվեց ՀՀ վարչապետ Տիգրան Սարգսյանի ողջույնի խոսքը, որից հետո ԻՏՁՄ նախագահ Հովհաննես Ավոյանը ներկայացրեց միության խնդիրներն ու առաջնահերթությունները:

Ըստ զեկուցողի` ոլորտի գլխավոր խնդիրներից մեկը մասնագետների պակասն է, թեև ոլորտը բուռն զարգանում է և ունակ է կլանել 1000-1200 մասնագետի: Նրա խոսքով` 2012 թ. ծրագրերից է շինարարական նորմերում հեռահաղորդակցության ենթակառուցվածքների պարտադիր լինելը: Հ.Ավոյանը տեղեկացրեց, որ միությունը նաև հատուկ ծրագիր է սկսելու ՏՀՏ ոլորտում պետական գնումների և տենդերների ոլորտում մոնիտորինգ իրականացնելու ուղղությամբ:

Նշենք, որ համագումարի բացմանը ներկա էին ՀՀ էկոնոմիկայի նախարար Տիգրան Դավթյանը, տրանսպորտի և կապի փոխնախարար Անդրանիկ Ալեքսանյանը, արդյունաբերողների և ձեռնարկությունների միության նախագահ Արսեն Ղազարյանը: