Դրոշակակիր տաքսիները. ՀՀԿ-ն աշխատում է ժողովրդի լայն խավերի համար

«Հայացքը» գրում է, որ նախընտրական քարոզարշավի շրջանակներում երևանյան տաքսիներից որոշների վրա հանրապետականի փոքրիկ դրոշակներ են ամրացված: «Դրոշները տաքսիների, այլ ոչ թե թանկարժեք ջիփերի վրա փակցնելով` ՀՀԿ-ն թերևս ուզում է ցույց տալ, որ աշխատում է ժողովրդի լայն խավերի համար, այլ ոչ թե` ընտրյալների»,-գրում է թերթը: Թղթակիցը վարորդներից մեկից փորձել է պարզել` արդյոք նրանց վարձատրո՞ւմ են դրա դիմաց: Տաքսու վարորդներից մեկն ասել է, որ «մի քոռ կոպեկ էլ չեն տվել»: