Պոլիկլինիկաներում հատուկ աշխատանք է տարվում թեկնածուների հարցում

«Չորրորդ ինքնիշխանություն» թերթի տեղեկություններով` Նորք-Մարաշ վարչական շրջանում գործող պոլիկլինիկաներում կատարյալ իրարանցում է. այստեղ ՀՀԿ-ի և ՕԵԿ-ի օգտին առավելագույն բարձր ցուցանիշներ հավաքելու ազգանվեր աշխատանքներին են լծվել Նորք-Մարաշ թաղապետարանի աշխատակիցները, որոնք պոլիկլինիկաների բուժանձնակազմից հատ-հատ փորձում են ճշտել, թե ով ում օգտին է քվեարկելու մայիսի 6-ին, և ով է իր նախընտրած քաղաքական ուժի համար քարոզչություն անում բակում, աշխատավայրում և իր շրջապատում առհասարակ:
Ապա թերթը մի բժշկի օրինակով ցույց է տվել, որ ընդվզելու դեպքում թաղապետարանից զանգում ու սպառնում են աշխատանքից ազատել: