«Իրազեկ ընտրող» ծրագրի շրջանակում այսօր երկու կայք է ներկայացվել

«Լրագրողներ հանուն ապագայի» (ԼՀԱ) ՀԿ-ն այսօր ներկայացրել է երկու նոր վեբ-կայքեր` Irazek.am և Ditaket.am, որոնք մշակվել և ստեղծվել են «Իրազեկ ընտրող» (“Informed voter”) ծրագրի շրջանակներում:

ՀԿ մամուլի ծառայության հաղորդմամբ, կայքերի նպատակն է այլընտրանքային մեդիայի հնարավորություններն օգտագործելով` նպաստել Հայաստանում սույն թվականի մայիսի 6-ին կայանալիք խորհրդարանական ընրությունների ազատ, արդար և թափանցիկ անցկացմանը` աջակցելով ՀՀ ընտրողների իրազեկվածության մակարդակի բարձրացմանը և ընտրություններին ակտիվ մասնակցությանը:

«Իրազեկ ընտրող» ծրագիրը իրականացվում է Հայաստանում ԱՄՆ դեսպանատան և ԵԱՀԿ Երևանի գրասենյակի աջակցությամբ: