ԲՀԿ-ն՝ սկզբում, ՕԵԿ-ը՝ վերջում. սկսվել է քվեաթերթիկների տպագրությունը

Կենտրոնական ընտրական հանձնաժողովի սահմանած ժամանակացույցի համաձայն ապրիլի 26-ից մեկնարկել է քվեաթերթիկների տպագրման գործընթացը: Նախօրեին գիշերը տեղի ունեցած ԿԸՀ արտահերթ նիստում հաստատվել է քվեաթերթիկի նմուշը և որոշվել է դրանցում ընտրություններին մասնակից ուժերը բաշխել այբբենական կարգով:

Այսպես, քվեաթերթիկներում առաջին համարի տակ կլինի «Բարգավաճ Հայաստանը», այնուհետև՝ «Ժառանգությունը», «Հայ Ազգային կոնգրես» կուսակցությունների դաշինքը, Հ. Յ. Դաշնակցությունը, Դեմոկրատական կուսակցությունը, Կոմունիստական կուսակցությունը, Հնարապետական կուսակցությունը, «Միավորված հայերը» և «Օրինաց երկիրը»:

Նիստում ԿԸՀ նախագահ Տիգրան Մուկուչյանը հայտարարել է, որ քվեաթերթիկները կտեղափոխվեն ինկասացիայի մեքենաների օգնությամբ: Նա նաև ասել է, որ ԶԼՄ ներկայացուցիչները ազատորեն կարող են հետևել քվեաթերթիկների տպագրությանը գործընթացի ցանկացած փուլում:

Ըստ նույն ժամանակացույցի, քվեաթերթիկները կտպագրվեն մինչև մայիսի 3-ը: