«Ռեալն» ու «Ադիդասը» ռեկորդային պայմանագիր են պատրաստում

Մադրիդի «Ռեալը» մոտ ապագայում կարող է երկարաձգել պայմանագրի ժամկետն «Ադիդասի» հետ: Ինչպես տեղեկացնում է «Marca»-ն, նոր համաձայնագիրը նախատեսված է մինչ 2020 թ.:

Գործարքի մանրամասներն արդեն ներկայացվել են, սպասվում է, որ «Արքայական ակումբը» կստանա բարելավված հովանավորչական պայմանագիր` տարեկան 40 մլն եվրո արժեքով: Այն կլինի ամենաեկամտաբերը ֆուտբոլի պատմության մեջ:

Այդ գործարքով գերմանական ընկերությունն ու իսպանական գրանդը կգերազանցեն «Նայք»-«Բարսելոն» համագործակցության ներկայիս ռեկորդը, որը կազմում է 30 մլն եվրո` մեկ մրցաշրջանի համար: