Իսպանիան ՈՒԵՖԱ-ին առաջարկել է իր թեկնածությունը` Ուկրաինայի փոխարեն

Իսպանիայի ֆուտբոլի ֆեդերացիան ՈՒԵՖԱ-ին առաջարկել է Եվրոպայի 2012 թ. ֆուտբոլի առաջնության այն հանդիպումները, որոնք պլանավորված են Ուկրաինայում, անցկացնել Իսպանիայում: Այս մասին հայտնում է «Onda Cero»-ն:

Աղբյուրի տեղեկություններով` ֆեդերացիայի նախագահ Անխել Մարիա Վիլյարը Եվրոպական ֆուտբոլային ֆեդերացիայի ղեկավար Միշել Պլատինիին տեղեկացրել է, որ Ուկրաինայում առկա քաղաքական լարվածության պատճառով իր երկիրը պատրաստ կլինի անցկացնել մրցաշարն առաջիկա ամռանը:

Հիշեցնենք, որ վերջին անգամ Իսպանիան Եվրոպայի առաջնությունը կազմակերպել է 1964 թ.: