Անվճար պլաստիկ վիրահատություն՝ Հանրապետության հրապարակում պայթունից տուժածների համար (տեսանյութ)

Հանրապետության հրապարակում տեղի ունեցած արտակարգ պատահարից տուժած այն քաղաքացիները, որոնք պլաստիկ վիրահատության կարիք ունեն, նրանց համար այդ վիրահատությունը կիրականացվի պետպատվերի շրջանակներում: Այս մասին այսօր Panorama.am-ին ասաց ՀՀ առողջապահության նախարարության մամուլի խոսնակ Շուշան Հունանյանը՝ հավելելով, որ սովորաբար պլաստիկ վիրահատությունները չեն իրականացվում պետպատվերի շրջանակում:

Շ.Հունանյանը նշեց նաև, որ Երևանի բժշկական հաստատություններում մայիսի 10-ի դրությամբ բուժում է ստանում 75 քաղաքացի, որոնցից 10-ը դեռ գտնվում են վերակենդանացման բաժանմունքներում: Նա վստահեցրեց, որ տուժածներից որևէ մեկի կյանքին վտանգ չի սպառնում: