Մատան «Չելսիի» լավագույն ֆուտբոլիստն է

«Չելսիի» կիսապաշտպան Խուան Մատան ճանաչվել է ընթացիկ մրցաշրջանում թիմի լավագույն ֆուտբոլիստ` երկրպագուների քվեարկության արդյունքում շրջանցելով պաշտպան Բրանիսլավ Իվանովիչին և կիսապաշտպան Ռամիրեսին: Այս մասին հայտնում է ակումբի պաշտոնական կայքը:

24-ամյա իսպանացին Անգլիայի Պրեմիեր լիգայում անցկացրել է 35 հանդիպում` խփելով 6 գոլ և կատարելով 13 գոլային փոխանցում: