Կբարեկարգվի Աղթամարի Սուրբ Խաչ եկեղեցու շրջակա տարածքը

Թուրքական «Դողան» լրատվական գործակալության տեղեկացմամբ` Թուրքիայի մշակույթի և զբոսաշրջության նախարարությունը նախապատրաստվում է բարեկարգել Վանի Աղթամար կղզու Սուրբ Խաչ հայկական եկեղեցու շրջակա տարածքը:

Ըստ նախարարության մշակած բարեկարգման նախագծի` կղզու վրա կստեղծվեն հանգստի և զբոսանքի համար նախատեսված կանաչապատ վայրեր: Ծրագրված է ապահովել նաև կղզու գիշերային լուսավորությունը:

Նշվում է, որ այդ աշխատանքների ընթացքում այցելուների համար Սուրբ Խաչ եկեղեցին բաց կլինի, որն այժմ գործում է թանգարանի կարգավիճակով: