«Ատլետիկի» երկրպագուները Բուխարեստը խառնել են Բուդապեշտի հետ

Բիլբաոյի «Ատլետիկի» ավելի քան 400 երկրպագուներ չեն կարողացել ներկա գտնվել Եվրոպայի լիգայի եզրափակչին, որտեղ իրենց սիրելի թիմն ուժերն էր չափում Մադրիդի «Ատլետիկոյի» հետ: Բասկյան թիմի երկրպագուները Բուխարեստի փոխարեն մեկնել էին Հունգարիայի մայրաքաղաք Բուդապեշտ: Հասկանալով իրենց սխալը` նրանք փորձել են գնացքով կամ ավտոբուսով ուղևորվել արդեն Բուխարեստ, սակայն նրանց դա չի հաջողվել, քանի որ ամենամոտ ուղերթը եղել է միայն խաղից մի քանի ժամ անց: