Ջերարդ. «Չեմ լքի Անգլիայի հավաքականը»

Անգլիայի ազգային հավաքականի և «Լիվերպուլի» 31-ամյա կիսապաշտպան Սթիվեն Ջերարդը հերքել է անգլիական մամուլի տարածած այն տեղեկատվությունը, ըստ որի` Եվրոպայի առաջնության ավարտից հետո պատրաստվում է կարիերան ավարտել ազգային հավաքականում:

«Հասկանում եմ, հիմա գտնվում եմ այն տարիքում, երբ ինձ հաճախ են հարցնում, թե արդյոք չե՞մ պատրաստվում հեռանալ Անգլիայի հավաքականից և կենտրոնանալ միայն «Լիվերպուլում» խաղի վրա: Ես այդպես չեմ մտածում: Անչափ շատ եմ սիրում Անգլիայի ընտրանին և պատրաստվում եմ շարունակել մրցելույթներս նրա կազմում: Խնդիրները մնացել են հետևում, և այժմ ես ինձ անհամեմատ ուժեղ եմ զգում»,- ասել է Ջերարդը: