ՈՒԵՖԱ-ն Ջոն Տերրիին որակազրկել է 3 խաղով

ՈՒԵՖԱ-ի հսկիչ-կարգապահական կոմիտեն «Չելսիի» պաշտպան Ջոն Տերրիին որակազրկել է եվրոպական ակումբային մրցաշարերում 3 խաղով: Այս մասին հայտնում է ՈՒԵՖԱ-ի պաշտոնական կայքը:

Այդպիսի որոշում կայացվեց այն միջադեպի ուսումնասիրության արդյունքում, որն արձանագրվել էր Չեմպիոնների լիգայի կիսաեզրափակչում «Բարսելոնի» հետ հանդիպման ժամանակ, երբ Տերրին կարմիր քարտ ստացավ: Քանի որ Անգլիայի ընտրանու ֆուտբոլիստը բաց թողեց Մյունխենի «Բավարիայի» հետ եզրափակիչ հանդիպումը, նրան մնում է չմասնակցել միայն 2 խաղի: