Չի գործում Հմ. Հովհաննիսյանի Քաղաքագետների միությունը

«Ժողովուրդը» գրում է. «Լավատեղյակ աղբյուրներից հայտնի դարձավ, որ ԱԺ ընտրություններից հետո այլևս չի գործում Հմայակ Հովհաննիսյանի Քաղաքագետների միությունը, մասնավորապես՝ աշխատակազմը»։ Թերթի հետ զրույցում Հովհաննիսյանը նշել է, թե աշխատակիցները հիմա արձակուրդում են։ «Մարդիկ լարված աշխատեցին և մինչև օգոստոսի տասը արձակուրդ են մեկնել: …Նախագահի ընտրություններին ընդառաջ՝ քաղաքագիտական, գիտակիրառական լսումների շարք ենք նախատեսում կազմակերպել»,–ասել է Հովհաննիսյանը՝ հավելելով, որ հասարակությունը հենց այդ ընտրությունների հետ է կապում իր հույսերը»: