Ս. Հասրաթյանը Ադրբեջանի ԳՇ-ին հիշեցրել է անցյալի դառը փորձի մասին

«Ռազմական գործողությունների տևողությունը և դրանց արդյունավետության աստիճանը որոշվում է ոչ թե հայտարարություններով, այլև մարտադաշտում»,- մեկնաբանելով Ադրբեջանի Զինված ուժերի տարածած հայտարարությունն այն մասին, թե՝ «ադրբեջանական բանակից 10 օր կպահանջվի ազատագրելու օկուպացված տարածքները»՝ Panorama.am-ի հետ զրույցում ասաց ԼՂՀ ՊԲ Լրատվության բաժնի ղեկավար Սենոր Հասրաթյանը:

Նրա համոզմամբ՝ Ադրբեջանի զինված ուժերի ղեկավարությունը հայտարարություն անելուց առաջ պետք է հաշվի առնի նաև իր ոչ վաղ անցյալի դառը փորձը, որը չի բացառվում, որ հավանական պատերազմի դեպքում կրկնվի: