ՉԹՕ-ն տեսել են նաև Իսրայելում, Սիրիայում, Իրանում (տեսանյութ)

Երեկ երեկոյան հայաստանցիների պես հարյուրավոր իսրայելցիներ երկնքում չհայտնաբերված թռչող օբյեկտի ականատես են եղել: Պաղեստինի, Լիբիայի, Սիրայի, Իրանի տարածքում էլ օբյեկտը տեսնողներ են եղել: Այս մասին հաղորդում են արտասահմանյան լրատվամիջոցները:

Ըստ տեղեկատվության, ՉԹՕ-ն երկնքում հայտնվել է երեկոյան ժամը 21:00-ի սահմաններում, գրեթե Հայաստանի հետ համաժամանակյա: Ականատեսների վկայությամբ, դա լուսավոր օբեկտ էր` պատված ծխով:

Հայկական աստղագիտական ընկերության ղեկավար Արեգ Միքայելյանը հենց երեկ երեկոյան Panorama.am-ի հետ զրույցում երկու վարկած նշեց`  կամ երկնաքար է, կամ հրթիռ:
Իսրայելի Աստղագիտական ասոցիացիայի ղեկավար Իգալ Պատ-Էլը արտասահամանյան լրատվամիջոցների հետ զրույցում բացառել է երկնաքարի վարկածը:

Իր հերթին իսրայելական ԶՈՒ ներկայացուցիչները հայտնել են, որ ռազմական գործողություններ այն տարածքում, որի վրա տեսել են ՉԹՕ-ն, չեն անցկացվել:

Նշենք, որ ՀՀ ՊՆ-ն ևս հայտարարել էր, որ հայկական օդուժի որևէ ինքնաթիռ երկինք չի բարձրացվել:

Հ.Գ. Տեսանյութը youtube-ում տեղադրվել է «charmingbaby777» օգտատիրոջ կողմից:

Նախորդող հրապարակում`
Հայաստանի երկնակամարում տարօրինակ լույս են տեսել