Տիգրան Սարգսյան. «Նոր նախարարը մեծ փորձ ունի, նաև լավ է պատկերացնում երիտասարդների խնդիրները»

Այսօր ՀՀ վարչապետ Տիգրան Սարգսյանը, ՀՀ սպորտի և երիտասարդության հարցերի նախարարությունում ներկայացնելով նորանշանակ նախարար Հրաչյա Ռոստոմյանին, անդրադարձավ նրա անցած ուղուն` շեշտելով, որ թեպետ նախարարը երիտասարդ է, սակայն ոլորտում աշխատանքի մեծ փորձ ունի:

«Չնայած երիտասարդ է, բայց մեծ փորձ ունի սպորտում: Այն, որ երիտասարդ է, ցույց է տալիս, որ լավ գիտի նաև երիտասարդների խնդիրները»,- ասաց վարչապետը:

Իր հերթին` Հրաչյա Ռոստոմյանը խոստացավ իրականացնել կառավարության բոլոր ծրագրերը` ընդգծելով, որ ոչ միայն տեղեկացված է առկա իրավիճակի մասին, այլ պատկերացնում է խնդիրների լուծման ուղիները:

ՀՀ վարչապետը նաև շնորհակալություն հայտնեց նախկին նախարար Արթուր Պետրոսյանին` փաստելով, որ նա ներդրում ունի հայրենական սպորտի զարգացման գործում: