Վլ. Կազիմիրով. «Ադրբեջանն ընտրել է իրավիճակի մշտական սրման քաղաքականությունը»

«Գոլոս Արմենիին» ներկայացրել է ԵԱՀԿ ՄԽ-ում Ռուսաստանի նախկին ներկայացուցիչ Վլադիմիր Կազիմիրովի հեղինակային հոդվածը, որում վերջինս, անդրադառնալով ԼՂ հակամարտության խնդրին, մասնավորապես սահմանային վերջին միջադեպերին, նշում է, որ սահմանում ստեղծված լարվածության միակ մեղավորը ադրբեջանական կողմն է: Ըստ Վլադիմիր Կազմիրովի, պատերազմում պարտություն կրելով և պարբերաբար տապալելով բանակցային գործընթացը` Ադրբեջանը ընտրել է ԼՂ հակամարտության գոտում իրավիճակի մշտական սրման քաղաքականությունը: «Եթե հարցին նայենք այս տեսանկյունից, ապա կասկածներ չեն մնում, թե այս պայմաններում ում է ձեռնտու լարվածությունը Ղարաբաղի շուրջ»,- նշել է Վլադիմիր Կազիմիրովը: