Դրոգբան բանակցություններ կվարի «Բարսելոնի» հետ

Իվուարցի հարձակվող Դիդյե Դրոգբան, ով անցած շաբաթ պայմանագիր է ստորագրել չինական «Շանհայ Շենհուա» ակումբի հետ, այսօր կժամանի Իսպանիա, որտեղ բանակցություններ կվարի «Բարսելոնի» հետ: Այս մասին հաղորդում է AS-ը:

Կատալոնյան թիմի գլխավոր մարզիչ Տիտո Վիլանովան ավելի վաղ հայտարարել է, որ հետաքրքրված չէ 34-ամյա հարձակվողի ծառայություններով, ով նախորդ մրցաշրջանի ավարտից հետո հեռացել է «Չելսիից»:

Չինացիների հետ պայմանագրի պայմաններով` Դրոգբան ազատորեն կարող է հեռանալ թիմից, եթե առաջարկ ստանա այլ ակումբից: Մամուլի տեղեկություններով` Դրոգբան «Շանհայ Շենհուայի» հետ պայմանագիր է ստորագրել երկու տարի ժամկետով և տարեկան կստանա 12 մլն եվրո աշխատավարձ: